تسريب صوتي لمبارك يشعل المنطقة .. كان لنا قيمة كبيرة جدًا في العالم.. والكل «مستهيفنا» دلوقت .. «إثيوبيا» لم تجرؤ على فتح بقها معايا




كشف تسجيل صوتي مسرب للرئيس الأسبق محمد حسني مبارك، بثته صفحة "آسف يا ريس"، المعنية بشئونه وعائلته، أنه كان يستطيع أن يضرب سد النهضة بطائرة واحدة، لكن الطائرة لم تعد موجودة الآن في مصر، مشيرًا إلى أن العالم الآن أصبح يعتبر مصر دولة ضعيفة جدًا، ولا يعتد بها.

سد النهضة
وقال مبارك عن قلق المصريين من بناء سد النهضة: "ما جرؤوش يفتحوا بقهم معايا.. عملوا اتفاقية عنتيبي.. روحت لافف على الثلاث دول عشان ما يمضوش فتقف.. فوقفت".

وأضاف مبارك في التسريب الصوتي: "الدول اللي أنا اتفقت معاها ما تمضيش مضت وجنوب السودان مضت.. كلمت رواندا وبروندي وأوغندا.. الثلاث دول قالوا مش هنمضي".


أبو الغار 
وتابع "راح لهم أبو الغار كان معاه وفد شعبي.. قعدوا الإثيوبيين يخبطوا فيا جامد ومعاهم المصريين بيشتموا.. شوف الوقاحة.. قام أبو الغار قال لهم انتوا بتشتموا مبارك ليه؟.. قال في مدة حكمه مقدرناش نفكر في السد ده خالص، كان مانعنا وكنا خايفين منه".

ضرب السد
وحكي مبارك قائلًا: "كان عندي أيامها طائرة التوبوليف أقدر أضرب السد وأخلص عليه في طلعة واحدة"، مؤكدًا أن الطائرة لم تعد موجودة الآن في مصر، قائلًا: "لا خلاص بقى".

وقال مبارك: "هاتضرب سد دلوقتي تقع مع كل الأفارقة؟.. هو كان سانده موسيفيني بتاع أوغندا ورواندا وبورندي.. وكلمت كينيا واتفقت معاهم ما يمضوش على عنتيبي.. ما كانوش بيجيبولي سيرة السد ده.. سكتوا.. لما لاقوني كاشش فيهم سكتوا".

بلد ضعيف
واستطرد مبارك في التسجيل الصوتي المسرب قائلًا: "أول ما مشيت.. تنحيت جم في أبريل 2011 ابتدوا على طول.. قالك دول مضروبين ولا حد ها يقولنا بتعملوا إيه.. وخلاص انتهي وحياتك وها يبنوه".

وأضاف مبارك "العالم كله مستهيفنا دلوقتي.. العالم كله عرف إن احنا بلد ضعيفة جدًا.. مع إن كان لنا قيمة كبيرة جدًا في العالم".



تسريب صوتي لمبارك يشعل المنطقة .. كان لنا قيمة كبيرة جدًا في العالم.. والكل «مستهيفنا» دلوقت .. «إثيوبيا» لم تجرؤ على فتح بقها معايا Reviewed by اخبار اليوم من مصر on 2:35 م Rating: 5

1 التعليقات:

التعليقات
Zaki Ahmed
المشرف
20 يونيو، 2017 5:01 ص

لا يا عم مبارك احنا مش ضعاف ولا حاجه انت بتقول كده بس لانك ميشيت ولا ليه اي لزمه الان واحنا والحمدلله اقوياء جدا لاننا معانا رجل بيحب البلد فعلا مش كل همه انه يلم فلوس هو وعياله والحزب بناعه ويدوس علي رقاب العباد زي ما كنت انت وشله الاوساخ اللي معاك كانوا بيعملوا والله لو انا من الريس كنت اول شئ اامر باعدامك انت وكل واحد تاجر بدم الغلابه وسرق الشعب واولهم عيالك حسبي الله ونعم الوكيل

رد
avatar

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.