لأول مرة منذ تولي السيسي رئاسة مصر .. الرئيس يوجة كلمة نارية للجيش المصري





أشاد الرئيس عبدالفتاح السيسى، بوزير الدفاع الأسبق، المشير محمد حسين طنطاوى، موضحًا أنه تولى المسؤولية في ظروف في منتهى القسوة في عام 2011، وتجاوز بمصر في مدة قاسية خلال سنة ونصف، لافتًا إلى أنه كذلك كانت هناك مرحلة صعبة تولاها الرئيس عدلى منصور.


وأكد السيسي، خلال مشاركته في حفل الإفطار السنوى لرجال الجيش والشرطة في ذكرى انتصارات العاشر من رمضان، أن الجيش المصري هو المؤسسة الوحيدة في الدولة التي لا تأخذ من الدولة وتضع في جيوبها.


وشدد على أنه يتشرف لانتمائه للقوات المسلحة، وأن الجيش كان له دور كبير وما زال في تأمين الدولة ضد مخاطر كثيرة الناس لا يعرفونها، ليس فقط المخاطر الأمنية ومكافحة الإرهاب مع الشرطة.

واستطرد السيسي: «حجم التجرد الموجود في أخلاقيات وقيم ومبادئ مؤسسة الجيش لازم نخلي بالنا منها، وبقول الكلام ده ليه، لأجل أقول للجيش خلى بالك أنا شايفك وواخد بالى منك، ومقدر ومش أنا اللى مقدر، مصر تقدر، وبعد مصر وقبل مصر هيبقى في تاريخ هيقدر وهيقف يقول إن هي دى المؤسسة اللى شاءت الأقدار إنها تكون موجودة علشان تحمي وطن من الضياع».

وأضاف الرئيس: «الكلام ده بينطبق على الجيش والشرطة، جهد كبير بيتعمل لأجل إن البلد دى تفضل واقفة على رجليها، إذا كنا إحنا حريصين وعايزين بجد نبنى بلدنا يبقى كل الأجهزة القائمة لابد أن تعمل بتجرد دون مصلحة إلا مصلحة الوطن، وتنحي المصالح الشخصية والمطالب الشخصية على جنب، إذا كنا عايزين الوطن ده يبقى ليه مكان ويبقى هو قادر بنفسه وبذاته وإمكانياته إنه يقف شامخ، ومصر تستحق مننا كده، وكل سنة وأنتم طيبين».


لأول مرة منذ تولي السيسي رئاسة مصر .. الرئيس يوجة كلمة نارية للجيش المصري Reviewed by أخبار مصر on 6:55 ص Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.