بالصور .. مواطنة تروي واقعة الاعتداء المهينة على محجبة بقرية سياحية شهيرة بالساحل : «خافوا على نظافة البحر»





روت مواطنة تدعى سارة العمري، عبر حسابها الشخصي على موقع «فيس بوك»، واقعة الاعتداء على سيدة محجبة وأسرتها بإحدى القرى السياحية الشهيرة في الساحل الشمالي.
وكتبت «العمري»: «أنا فعلاً مابقتش مصدقة اللي احنا وصلناله في بلدنا! واحدة محجبة على البحر في قرية هاسيندا قاعدة في هدوء مع عيلتها، قررت تنزل البحر وتستمتع بوقتها وهو حقها زيها زي باقية الناس».
وتابعت: «مجموعة جت تتخانق معاها وعايزنها تطلع من البحر توريهم الخامة بتاع المايوه الشرعي عشان خايفين على نظافة البحر.

ومايتقلش عليهم غير شراشيح بصراحة.. وصلت لدرجة إن ابن واحدة من المجموعة دي ضرب زوج الست المحجبة وبنتها الصغيرة كمان اتضربت».
وأعربت «العمري» عن صدمتها جراء ما حدث قائلة: «أنا مش لاقية كلام يعبر عن اللي أنا شفته! نظرة الرعب اللي شفتها في عين العيلة دي، وعياط وانهيار البنت كان فعلاً صعب.. إن هم يضطروا يجيبوا عربية الجولف علشان يعرفوا بس يخرجوا من الخناقة ومن الضرب! لا واضح فعلاً ان احنا متفتحين وبنتقبل آراء الآخرين.. هي دي أخلاقنا دلوقتي؟ دي قلة أدب! يعني إيه واحدة محجبة مش عارفة تصيف زي باقية الناس يومين؟ وده اللي احنا بنعلمه للأجيال الجاية!».
وأرفقت سارة العمري بمنشورها صورًا ترصد التجمهر الكبير حول مكان الواقعة.


بالصور .. مواطنة تروي واقعة الاعتداء المهينة على محجبة بقرية سياحية شهيرة بالساحل : «خافوا على نظافة البحر» Reviewed by أخبار مصر on 12:22 ص Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.