بلاغ عاجل للنائب العام ضد الإعلامية مني أبو شنب لسبها نساء مصر و وصفهم بالخائنات ولديهم هوس الجنسي




قدم الدكتور سمير صبري المحامي ببلاغ عاجل للنائب العام ضد الإعلامية الإخوانية مني أبو شنب لتصريحها بأن ٩٦ ٪ من المصريات المتزوجات خائنات.

وقال صبري في بلاغه: " ظهرت الإعلامية الإخوانية مني أبو شنب ذات الانتماء الإخواني يوم الثلاثاء الموافق التاسع من يناير ضيفة على برنامج حضرة المواطن على قناة ((الحدث اليوم))، 



وزعمت أن 96% من النساء المتزوجات خائنات ولم يكن هذا التصريح الخسيس الأول لها بل سبق لها قبل ذلك أن قامت بنشر مقال تحت عنوان مبادرة تعدد الزوجات والهوس الجنسي قالت فيه أيوه أنا اقصد تماما العنوان ده لما ألاقي أن الستات بقوا عادى كده كل واحدة يعجبها واحد تعمل المستحيل علشان توصله ومبقاش نت وبس لالالالا ابسلوتلى لا ده لو راحت لدكتور مثلا تكشف حتى على ودنها وعجبها عادى طبعا موضة الزميل دي بقت قديمه والأخ اللي بيقوم بالواجب مع مرات أخوه المسافر عادى والأم اللي بيعجبها زوج بنتها عادي والأخت اللي طمعت في زوج أختها ما يضرش، والبنات اللي بتعرض عن نفسها فـي الجروبات للمتعة لا وستات زى الفل الكلام ده الحقيقة، أنا لما ناديت بالتعدد قعدت أقول حسب الفطرة يعنى أن الرجل لا يكتفي بامرأة واحده الدنيا قامت ما قعدتش واتشتمت واتعرضت لقلة أدب علشان بقول إن الراجل من حقه التعدد فـ الحلال بس الحقيقة بعد البحث والتمحيص ووجع القلب اكتشفت إن المرأة لا تكتفي برجل واحد إلا ما رحم ربى أهو واحد بيصرف وواجهة اجتماعيه وواحد للحب والعلاقة الجنسية، فاكرين فيلم الطريق المسدود، عادى وتيجي تقول التعدد بيحل مشاكل تبقى بتخرب البيوت تيجي تقول التعدد هايحاقظ على الستات قبل الرجال تبقى مش حاسس بالناس ويبقى الراجل عينه فارغة طيب والست اللي بتعمل كده تبقى إيه متقولوا انتم، طيب ايه الحل يا مدام إنتى وهيه الهوس الجنسي ده اخرته إيه والله أنا كنت ناوية آخد إجازة يومين بس القصص اللي بسمعها تشيييب.

وأضاف في بلاغه: "للأسف إحنا فقدنا هويتنا المصرية فقدنا الإحساس أننا مجتمع شرقي له عادات وتقاليد والله حد يقولى كده حاجه بنتميز بيها عن الدول التانية غير الملوخية والمحشي والفول والطعمية إحنا لا طولنا نبقى شرقيين ولا غربيين ولا متحضرين ربنا يصلح حالنا جميعا فوقوا قبل ما يجي يوم ما ينفعش فيه الندم، وقد تعمدت المبلغ ضدها الإساءة البالغة ليست فقط في للمرأة المصرية والطعن في شرفها وسمعتها بل تطاولت علي المجتمع كله ونعتته ووصفته بأقذر الصفات، وأن مجتمعنا ونسائنا أصبحن علي مستوي قيمي متدني وحقير وبذلك أساءت إساءة بالغة للمجتمع بأسره طاعنة في قيمه وأخلاقه مما يحق معه للمبلغ أن يتقدم بهذا البلاغ متمسكا وملتمسا إصدار الأمر بالتحقيق فيما تضمنه من جرائم اقترفتها المبلغ ضدها وإحالتها للمحاكمة الجنائية العاجلة ".

بلاغ عاجل للنائب العام ضد الإعلامية مني أبو شنب لسبها نساء مصر و وصفهم بالخائنات ولديهم هوس الجنسي Reviewed by أخبار مصر on 6:44 م Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.