عمرو أديب ينهار علي الهواء بعد هزيمة الزمالك: «حرام أنا في آخر حياتي ومركب دعامة» (فيديو)




أعرب الإعلامي عمرو أديب، عن أسفه لتشجيعه لنادي الزمالك؛ بسبب الخسائر المتتالية للفريق الأبيض أمام الأهلي، مضيفًا: «دي لعنة هي أمي دعت عليا.. وقالت روح يا ابني وتفضل زملكاوي.. كل مرة أتأثر نفس التأثير، واتضايق نفس الضيق، وأقول مش هشجع الزمالك، وارجع تاني يتحرق دمي.. هي فرقة عندها نفس الحظ المهبب ده».

وأضاف خلال برنامج «كل يوم»، المذاع على قناة «أون إي»، أن الزمالك اعتاد دائمًا على تلقى هزائم مهينة من النادي الأهلي، معقبًا: «مرة نتغلب 3-0 ومرة 4-1 ومرة أخرى 6-1.. اللي بيضايقني في مباريات الأهلي الهزيمة المُرة».



وتابع: «استطاعت التغلب على مشاكل كتير في حياتي كنت تخين وخسيت، بس الزمالك ده لعنة، وأمي كانت داعية عليا»، لافتا إلى أن هناك 19 مدرب قاموا بتدريب نادي الزمالك خلال 3 سنوات، مستطردًا: «لا تغيروا مدربين، ولا لاعبين.. غيروا الجمهور، تعبنا بجد، النادي اتبهدل».

وتابع: «تعبنا بقا فيه إيه!..أنا بجد مش فاهم، النادى متبهدل، وأكيد فيه سبب وفيه حاجة غلط.. إنه نادى غريب والعيب مش في النادى ولا الإدارة ولا اللاعبين.. العيب فيا أني مُصر ومتعذب..أنا إنسان محب للحياة وفي آخر حياتي ومركب دعامة.. خلاص مش ناقص كمان مجدي عبدالغني يقتحم المحطة ويقول لي بعد الهدف الثالث- لسه كمان -.. دا اسمه تحرش».

وأردف: «ما أغضبني الهزيمة المرة 3/0 أو 6/1.. الزمالك لم يفز على الأهلى منذ 2007.. حدث ثورتين ومليون حرب والإخوان مشيوا والدنيا اتغيرت، وعملنا 100 كوبرى، وتفريعة قناة السويس، ومظاهرات إيران ولكن الزمالك لم ينجح في الفوز على الأهلي».

عمرو أديب ينهار علي الهواء بعد هزيمة الزمالك: «حرام أنا في آخر حياتي ومركب دعامة» (فيديو) Reviewed by أخبار مصر on 11:20 م Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.