أديب عن مذيعي قنوات الإرهابية: واحد كان بتاع كبدة والتاني أغاني سيمون .. ويكشف سر خطير





سخر الإعلامي عمرو أديب، من مذيعي بعض القنوات الفضائية في الخارج– في إشارة منه للقنوات الداعمة للجماعة الإرهابية، قائلا: «دي ناس مش دارسة إعلام، ولكنهم ناس لطيفة كدة، واحد منهم كان بيعمل أغاني لسيمون، والتاني كان بيعمل سندوتشات كبدة.. وأنا مبهزرش.. ودي حاجة مش عيب إنك تعمل سندوتشات كبدة أو أغاني لسيمون، ودي شغلانة محترمة».
وتابع خلال برنامج «كل يوم» المذاع على فضائية «أون إي»: «مذيعو تلك القنوات بيعملوا حاجة الناس بقت بتزهق منها، وهي إنهم كل يوم يشتموا في الرئيس، زي ما بيحصل في أمريكا، إن كل واحد بيشتم في ترامب.. والموضوع بقى ممل جدا.. فخلاص إنت سبيت وشتمت بالأب والأم وكل شيء فخلاص بقى.. الإثارة بتاعت الموضوع انتهت».


وأضاف: «زي أخونا اللي قولت له المحطة بتاعتك مبتجبش حاجة، فقال لي: المحطة بيتفرج عليها 200 ألف، فالمخرج بتاعه الغبي طلع له أن المحطة بيتفرج عليه 7 آلاف.. الأهطل.. الناس دي أرزقية ودمها خفيف».

أديب عن مذيعي قنوات الإرهابية: واحد كان بتاع كبدة والتاني أغاني سيمون .. ويكشف سر خطير Reviewed by أخبار مصر on 11:29 ص Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.