في 10 طرق بسيطة جدا.. ازاي اساعد ابني انه يستغنى عن البامبرز؟ د. أحمد أمين يجيب !


التخلص من الحفاض


ازاي اساعد ابني انه يستغنى عن البامبرز ؟!!

هنتكلم عن ١٠ حاجات نقدر نعملها تساعدنا على التخلص من البامبرز بسهولة و سرعة 

1. اول حاجة نختار التوقيت الصح اللي الجو فيه ميكونش برد ،، احنا هنشيل بامبرز و الطفل مش هيمسك نفسه بين يوم و ليله .. و في معادلة في الطب بتقول:
بلل + برد = مرض و كحة و خنفرة .. و طبعا احنا في غنى عن كده ،،


2. هنلبس ملابس خفيفة ،، سهلة القلع و اللبس ،، مش تبقى يبقى الطفل لابس ١٤ طبقة و فوقيهم سالوبت بفيونكة ،، هنفضل نقلع و نلبس الولد فيهم كل مرة و نبقى مستغربين ليه الولد مش بيلحق يمسك نفسه و متضايق من البوتي

3. افضل طريقة بتجيب نتيجة ان احنا نخلع البامبرز طول الوقت ((ما عدا وقت النوم)) ،، موضوع نقلع شوية و نلبس شوية من اكتر الاسباب اللي بتأخر الطفل في التمرين


4. التمرين على البوتي لازم يكون في كل وقت .. الطفل اللي بيروح حضانة .. زي ما بيتمرن في البيت لازم يكون يتمرن في الحضانة بنفس الطريقة .. مينفعش نبقى بنخلع الطفل البامبرز في البيت و بيلبسه في الحضانة

5. طريقة حلوة: هنبتدي نقعد الطفل في الاول كل ربع ساعة .. و يكون معانا ورقة و قلم .. نسجل المرات اللي يعمل فيها و نبتدي نزود الوقت بين كل قعدة و التانية على حسب طبيعة الطفل لحد ما نوصل للوقت المناسب لكل الطفل او الطفل يبتدي يطلب بنفسه


6. الطفل مينفعش يقعد اكتر من ١٥ دقيقة في المرة .. اللي هيقعد ١٥ دقيقة و مش هيعمل يبقى مش هيعمل .. اطول من كده تضييع لوقتك و ازعاج لطفلك


7. من الغلطات اللي الامهات بتعملها انها تستخدم التلفزيون او الاي باد وقت القعدة عشان نلهي الطفل عشان يرضى يقعد .. الطفل لازم يبقى قاعد و عارف ان قدامه مهمة محددة لازم ينفذها و يركز فيها .. الغلطة دي من الحاجات اللي بتأخر الطفل جدا

8. الطفل في اوقات كتير بيرفض يقعد على البوتي عشان يا إما مش مرتاح من القعدة عليه او خايف منه .. لازم نختار بوتي مريح و مناسب لحجم الطفل و يكون الطفل متقبل شكله .. انا شفت طفل رافض يقعد عشان خايف من البطة اللي عليه .. اول ما الاهل غيروه و جابو ((القصرية)) العادية بتاعة الحاجة .. تقبل و قعد عادي

9. الطفل في سن التمرين على البوتي بيتعلم جدا بالتقليد .. ممكن نستخدم لعبة الطفل المفضلة كوسيلة ايضاح و نخليه هو يلبسها و يخلعها و يقعدها بنفسه .. و يديها المكافئة بتاعتها كمان

10. الطفل في السن ده برضو بيحب الامتلاك جدا و بيحب اي حاجة بتاعته .. نزرع فيه ان البوتي ده بتاعه بس .. هو اللي يجيبه و هو اللي يشيله في المكان اللي يختاره .. و لو حب كمان نخليه يزينه بالاستيكرز او الطريقة اللي هو يحبها


وطبعا مننساش المكافئة المادية و المعنوية في كل مرة ينجح فيها انه يعمل في البوتي ..
و نخلي بالنا من الـ ٣ ((لا))

لا عقاب - لا اهانة - لا ضرب .. ال ٣ حاجات دول بيجيبو نتيجة عكسية ..
اهم حاجة و اخر حاجة : لازم نعرف ان التمرين على البوتي ده زيه زي التمرين على اي حاجة جديدة .. الطفل مش مولود متعلمها .. و في معظم الاحوال مش بيعند معاكم ولا يغيظكم .. انتي نفسك لما بتتعلمي حاجة جديدة عمرك ما هتتقنيها من اول مرة .. افتكري اول طبخة .. افتكر اول سواقة .. الصبر ثم الصبر ثم الصبر ..
متستعجلوش و متقارنوش طفلكم باي حد .. متضغطيش على طفلك و متخليش حد يضغط عليكي .. البداية البدري في كتير من الاحيان هتكون نتيجتها بس وقت اطول في التمرين ... نفس النتيجة بمجهود و توتر و ضغط اكبر !

الاسم

اخبار الرياضة,506,اخبار العرب و العالم,2759,اخبار عاجلة,367,اخبار محلية,9553,اخبار منوعة,639,اقتصاد و تكنولوجيا,2761,تلفزيون و فيديو و مواقع التواصل,2327,حوادث و قضايا,1831,سيارات,213,صحة و أسرة,397,فن,360,مقالات,24,وظائف خالية,84,
rtl
item
اخبار اليوم من مصر: في 10 طرق بسيطة جدا.. ازاي اساعد ابني انه يستغنى عن البامبرز؟ د. أحمد أمين يجيب !
في 10 طرق بسيطة جدا.. ازاي اساعد ابني انه يستغنى عن البامبرز؟ د. أحمد أمين يجيب !
التخلص من الحفاض
https://3.bp.blogspot.com/-oaCq7e1Ol98/WlWOB_NnxKI/AAAAAAAAwzo/mV_adbEpjH0Hc0i2VNdd6uHB536MfHt8wCLcBGAs/s1600/1.jpg
https://3.bp.blogspot.com/-oaCq7e1Ol98/WlWOB_NnxKI/AAAAAAAAwzo/mV_adbEpjH0Hc0i2VNdd6uHB536MfHt8wCLcBGAs/s72-c/1.jpg
اخبار اليوم من مصر
https://www.akhbar-misr.com/2018/01/10_10.html
https://www.akhbar-misr.com/
https://www.akhbar-misr.com/
https://www.akhbar-misr.com/2018/01/10_10.html
true
2353048972076038335
UTF-8
جميع الأخبار لم يتم العثور على أية أخبار عرض الكل اقرأ المزيد رد إلغاء الرد مسح بواسطة الرئيسية الصفحات الأخبار عرض الكل قد يهمك ايضاً التسميات ارشيف بحث عرض الكل لم يتم العثور علي الخبر الرجوع للصفحة الرئيسية الأحد الأثنين الثلاثاء الأربعاء الخميس الجمعة السبت الأحد الأثنين الثلاثاء الأربعاء الخميس الجمعة السبت يناير فبراير مارس أبريل مايو يونيو يوليو أغسطس سبتمبر أكتوبر نوفمبر ديسمبر يناير فبراير مارس أبريل مايو يونيو يوليو أغسطس سبتمبر أكتوبر نوفمبر ديسمبر الآن منذ دقيقة واحدة $$1$$ minutes ago من ساعة $$1$$ hours ago أمس $$1$$ days ago $$1$$ weeks ago قبل أكثر من 5 أسابيع Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy